Giyarhwi kiya hai?

Giyarhwi kiya hai? Musalmanon ka padha likha ek nawjawan tabqa aj kafi parishan hai aur is parishani ki wajah hai deen mein bejah firqaparasti.Woh aur bhi parishan ho jate hain jab ek firqa ke maulvi hazrat unse kahte hain ke Meelad manana bida'at hai to giyarhwi manana shirk.Unhe samajh nahi ata hai ke akhir karen to kiya karen?Meelad manayen ya use bida'at samjhe?Giyarhwi manaye ya use shirk samjhe?In muslim bhaiyon ke liye yeh mukhtasar tahreer lekar aya hun agar aap ise baghaur padhenge aur samjhenge to In Sha Allah Azzawajal apki yeh parishani dur ho jayegi. Sawal:Giyarhwi kiya hai? Jawab:Ghaus Paak Radi Allahu anho ke liye Rabiul akhir ki 11 tarikh ko jo fateha ya isale sawab kiya jata hai use giyarhwi kahte hain.Agar ek jumla mein jawab diya jaye to giyarhwi isale sawab hai. Sawal:Agar giyarhwi sirf isale sawab hai aur kuch nahi to fir ise isale sawab hi kaha jaye giyarhwi kiyun kahte hain? Jawab:Ise giyarhwi is liye kahte hain ke yeh pehchani ja sake ke Rabiul Akhir ke 11 tarikh ko jo fateha ya isale sawab kiya jata hai woh kisi aur buzurg ke liye nahi balke khas Ghaus Paak Radi Allahu anho ke liye hai.Jaise khana to sabhi hota hai magar hum kisi khane ko walima kahte hain kisi ko aqeeqa ka khana wajah sirf itni hoti hai ke yeh pehchani ja sake ke yeh jo dawat hai ya khana hai uski nisbat walima se hai isi tarah hota sab isale sawab hi hai magar jis buzurg ke liye kiya jaye unki nisbat se us fateha ka naam rakh diya jata hai. Sawal:Mujhe giyarhwi to samajh mein aa gaya magar yeh Isale sawab kiya hota hai aur kiya ap ise Hadees se sabit kar sakte hain? Jawab:Kisi bhi nek amal ka sawab kisi marhoom momin ko pahunchana isale sawab kahlata hai.Ek do nahi balke kai ahadees maujud hain jisse isale sawab ka subut milta hai.Hum yahan ek hadees pesh karte hain. Hadees: “ Hazrat Saad Bin Ubada Radi Allahu anho arz karte hai YA RASOOL ALLAH Sall Allahu Alaihe Wasallam meri Maa Wisal Kar gayi, Mai unki taraf se sadka karna chahta hu konsa sadka Afzal rahega, Sarkar Sallallahu Alaihi Wasallam ne farmaya PAANI , Chunance unhone ek KUN’WA (Well) khudwaya aur kaha ‘ ﻫَﺬِﻩِ ﻷُﻡِّ ﺳَﻌْﺪٍ ’ yaani Ye Umme Saad K liye ” References : (Sunan Abu Dawood Vol : 02, Kitab 09 : Al Zakat, Baab 561 : Paani Pahuchane K Fazail, Pg : 180, Hadees : 1681) (Mishkat Al Masabih Vol : 01, Pg : 362, Hadees : 1912) Sa'ad Radi Allahu Anho ne apni walida ki rooh ko sawab pahunchane ke liye kunwa khudwaya aur uspar apni walida ka naam bhi liya.Baad mein woh kunwan "Umme sa'ad ka kunwa" ke naam se mashhoor ho gaya.Ma'alum hua ke jis chiz ka sawab pahunchaya jaye uspar buzurg ka naam lena sahaba ki sunnat hai. Sawal:Maine dekha hai ke fateha karte waqt aap kuch shirni samne rakhte hain fir uspar padhte hain kiya yeh tariqa jayez hai? Jawab:Bilkul jayez hai balke Rasool Kareem Sall Allahu Alaihe Wasallam se sabit hai hadees mulaheza karen. Hadees: Hazrat Anas Radi Allahu Anho farmate hai jab Nabi e Paak Sall Allahu Alaihe Wasallam ne Hazrat Zainab Radi Allaho Anha Se Nikah Kiya To Meri Walda Hazrat Umme Sulaim Radi Allaho Anha Ne Hais (Sattu,Ghee, Or Khazoor Se Bana Huwa Khana) Bana Kar Ek Tabaq me Rakha Or Mujhe Kaha Ise Nabi Kareem Sall Allahu Alaihe Ki Khidmat e Aqdas Me Le Jao Main Khidmat e Aqdas Me Hazir Huwa To Nabi E Karim Sall Allahu Alaihe Wasallam Ne Farmaya Jao Or Musalmano Me Se Tumhe Jo Mile Usse Bula Lao Mujhe Jo Mila Bula Laaya or Nabi e Akram Sall Allahu Alaihe Wasallam Ne Dua Padha or Jo Kuch Rab Ko Manzoor Tha wo Aap ne Dua Me Padha Reference : (Sahi Muslim Vol : 02 , Kitab No 16 Kitabun Nikah, Baab : Ummul Momineen Zainab Bint Jahsh k Nikah Ka Bayan aur Hizab k Mutaalik Nuzool e Wahi Ka Bayan, Hadees : 1428) (Jamai Tirmizi Kitab No 47 Kitabut Tafseer, Hadees : 3524) Khana samne rakh kar padhna Nabi Kareem Sall Allahu Alaihe Wasallam ki sunnat hai. Sawal:Lekin ap log Ghaus paak Radi Allahu anho ke liye murgha zabah karte hain yeh to shirk hai? Jawab:Kisi chiz par Allah ke siwa kisi aur ka naam lene se shirk nahi ho jata warna jab aap qurbani ka janwar late hain to kahte hain ke yeh Jamal sahab ka janwar hai to fulan sahab ka janwar hai.Usi tarah janwar kabhi Shadi ke naam par zabah hota hai to kabhi aqeeqah ke naam par.Agar kisi janwar ko kisi ki taraf mansoob kar dene se koi janwar haram ho jata to qurbani ka janwar,Shadi ka janwar aur aqeeqah ka janwar sab haram ho jata.Shirk tab hota hai jab koi janwar zabah karte waqt us par Allah ke siwa kisi aur ka naam liya jaye jaise ke Mushrikin Makka kiya karte the. Giyarhwi mein murgha Allah ki raza ke liye Allah ka naam lekar zabah kiya jata hai aur iska sawab Ghaus e Paak Radi Allahu Anho ko nazr kiya jata hai ismein koi harj nahi balke hadees se sabit hai.Hadees mulaheza karen. Hadees:Allah ke Nabi Sallalahu Alaihe Wasallam ne mendhe ko zabah karte waqt farmaya"Allah ke naam se shru karta hun.Aye Allah ise qabool farma Muhammad Sall Allahu Alaihe Wasallam ki taraf se,Aal e Muhammad Sall Allahu Alaihe Wasallam ki taraf se aur ummat e Muhammad Sall Allahu Alaihe Wasallam ki taraf se fir uski qurbani pesh kar di (Muslim Shareef,Hadees 4976) Abu Daud,Hadees no 1019) Nabi Kareem Sall Allahu Alaihe Wasallam Allah ke naam par zabah karte aur uska sawab ummat ki taraf mansoob kar dete. Umeed hai upar ki tamam tehreer ko padhne ke baad giyarhwi fateha aur isale sawab ko lekar jo bhi ghalat fehmi thi woh ab dur ho gai hogi.(In Sha Allah Azzawajal) Khaksar:Shahid Akhtar

Comments

Post a Comment

Popular posts from this blog

Hazrat Ameer Muawiya RadiAllahoAnh ki shan mein Huzur Ghaus e Paak RadiAllahoAnh ka faisla:

Sare Ahle Sunnat is par muttafiq hain ke Sahaba karam ki jungon mein bahas se baaz raha jaye aur unhe bura kahne se parhez kiya jaye. Unke fazail aur unki khubiyan zahir ki jayen aur un buzurgon ka mamla Rabb ke supurd kiya jaye jaise woh ikhtalafat Jo Hazrat Ali aur Hazrat Aisha,Muawiya,Talha,Zubair RadiAllahoAnhum mein waqya huye jiska bayan hum pahle kar chuke hain Aur har azmat wale ko uski azmat ka haq diya jaye kiyunke Rabb Ta'ala mominon ki shan mein irshad farmata hai ke jo musalman un sahaba ke ba'ad aye woh yun kahte hain ke aye Rabb hamen bakhsh de. (Ghaniyatul Talibeen,page 178) Huzur Ghause paak RadiAllahoAnh ko manne wala inke irshadat ko sun kar kabhi bhi kisi bhi sahaba karam ki shan mein jisme Hazrat Ameer muawiya RadiAllaho Anh bhi shamil hain,kabhi bhi zaban ta'an daraz karke apna iman barbad nahi karega. Jab Hazrat Ameer Muawiya Radi Allaho anh ki shan bayan ki jati hai to kuch logon ko isse bahot takleef hoti hai.Aise logon ko chahiye ke up...
Read more

Was Prophet Muhammad SalAllho Alaihe Wasallam really a pedophile?

 Was Prophet Muhammad SalAllho Alaihe Wasallam really a pedophile? There is no denying the fact that Prophet Muhammad salallho alaihe wasallam is the most cultured and well-behaved mortal who ever walked on the face of this earth. His words, knowledge and personality are incomparable to anyone. His kindness, love and affection guided humanity from the darkest valleys of ignorance and into the light of satisfaction and truthfulness. Although he was not educated from any school or any scholarly institution, still he was popular for his honesty and kindness that earned him the titles “Sadiq” and “Ameen”. But critics portrait some Islamic principles and actions of the Prophet Muhammad (Sal Allahu Alaihe Wasallam) in such a way that one may think that he was the biggest antisocial element who ever breathed in the soils of Arabia. These critics left no stone unturned to portrait Prophet Muhammad    (Sal Allahu Alaihe Wasallam)    as terrorist, criminal or worst of...
Read more

There is no compulsion in religion(Islam)

One of the fundamental truths established by the sacred texts is that no one can be compelled to accept Islam. It is the duty of Muslims to establish the proof of Islam to the people so that truth can be made clear from falsehood. After that, whoever wishes to accept Islam may do so and whoever wishes to continue upon unbelief may do so. No one should be threatened or harmed in any way if he does not wish to accept Islam. Among the many decisive pieces of evidence in this regard are the following.  God says: “Let there be no compulsion in religion. Truth has been made clear from error. Whoever rejects false worship and believes in God has grasped the most trustworthy handhold that never breaks. And God hearsand knows all things.” (Quran 2:256) God says: “If it had been your Lord’s will, all of the people on Earth would have believed. Would you then compel the people so to have them believe?” (Quran 10:99) God says: “So if they dispute with you, say ‘I have submitted my whole self ...
Read more