Hazrat Ameer Muawiya RadiAllahoAnh ki shan mein Huzur Ghaus e Paak RadiAllahoAnh ka faisla:

Sare Ahle Sunnat is par muttafiq hain ke Sahaba karam ki jungon mein bahas se baaz raha jaye aur unhe bura kahne se parhez kiya jaye.Unke fazail aur unki khubiyan zahir ki jayen aur un buzurgon ka mamla Rabb ke supurd kiya jaye jaise woh ikhtalafat Jo Hazrat Ali aur Hazrat Aisha,Muawiya,Talha,Zubair RadiAllahoAnhum mein waqya huye jiska bayan hum pahle kar chuke hain Aur har azmat wale ko uski azmat ka haq diya jaye kiyunke Rabb Ta'ala mominon ki shan mein irshad farmata hai ke jo musalman un sahaba ke ba'ad aye woh yun kahte hain ke aye Rabb hamen bakhsh de.

(Ghaniyatul Talibeen,page 178)

Huzur Ghause paak RadiAllahoAnh ko manne wala inke irshadat ko sun kar kabhi bhi kisi bhi sahaba karam ki shan mein jisme Hazrat Ameer muawiya RadiAllaho Anh bhi shamil hain,kabhi bhi zaban ta'an daraz karke apna iman barbad nahi karega.

Jab Hazrat Ameer Muawiya Radi Allaho anh ki shan bayan ki jati hai to kuch logon ko isse bahot takleef hoti hai.Aise logon ko chahiye ke upar Ghause Paak RadiAllahoAnh ke irshaddat ko ghaur se padhen jismein inhone saaf lafzon me kaha ke “Unke fazail aur unki khubiyan zahir ki jayen” Aur “Aur har azmat wale ko uski azmat ka haq diya jaye”.

Doston yeh hai Ahle Sunnat Wal Jama'at ka,Ghause Paak RadiAllahoAnh ka aqeedah.Aj kuch log Sunni balki Qadri hone ka bhi sakht dawah karte hain magar sahaba karam par zaban tarani aur unki burai karte nazar ate hain.

Hadd to yeh ke ajkal social media par aisa dekha ja raha hai ke aise nawjawan ladke jinhone English medium se taleem hasil ki,Kabhi madarse ka munh tak nahi dekha aur nahi inhe ulema ki sohbat hasil hai.In ke ilm ka sara daromadar Yutube par maujud Pakistan ke ek doctor sahab ka video aur Google hai.Aise log bhi Sahaba karam Ridwanullah Alaihim ki shan mein gustakhi karte hain aur zaban tarani karte hain.Koi kahta hai ke Hadees mein Ameer Muawiya RadiAllahoAnh ki koi shan bayan nahi ki gai,koi kahta hai ke inhe Ameer kahna ghalat hai,Koi inhe gumrah aur fasiq balki kuch to kafir tak kah deta hai(Maaz Allah).

Insha Allah Ta'ala inke har sawal ka munh tod jawab diya jayega.Yeh usi silsile ki shruat hai

Huzur Paak SalAllahu Alaihe Wasallam ki shan mein jab badmazhabon ne gustakhiyan ki to hum ne unka radd kiya Azmate Mustafa SalAllahu Alaihe Wasallam ka difa kiya.Usi Tarah Shan e Ahle Bait ka difa kiya,Shan e Wali Allah ka difa kiya aur Insha Allah aj jab kuch log shan e sahaba par hamla karrahe hain to hum inka bhi difa karenge balki akhri sans tak karenge(Insha Allah)

Khaksaar: Shahid Akhtar