Imam Ahmed Raza Khan Brelwi Rahmatullah Alaihe Aur Maslak e Ala Hazrat

Sawal:Imam Ahmed Raza Khan kon they?
Jawab: Ala Hazrat Imam Ahmed Raza Khan Fazil e brelwi Rahmatullah alaihe Ahle Sunnat Wal Jama't ke Imam hone ke sath sath Mujaddid aur ek Kamil Wali Allah the.Ap ki wiladat 10 shawwal 1272 H 14 June 1856 ko Breli India mein hui.Ap ke walid majid ne apka naam Ahmed Raza rakha.Deeni aur ilmi gharane me inki parwarish hui.Ilm o zehanat ka yeh alam tha ke mehaz 13 saal ki umar mein pahla fatwa diya.Ap ek ilmi encyclopedia they.Ilm Qura'n,Ilm Hadees,Usool Hadees,Usool fiqh,Ilm Tafseer,Ilm Isma o rijal,Ilm Tasawwuf,Ilm Falsafa,Ilm Hisaab,Ilm Tareekh,Ilm Adab,Ilm Na'at ke ilawah 54 uloom par mukammal uboor hasil tha.Ilm ke har shobe me kamo besh 1000 kitaben inhone tasneef ki jisme Qura'an azeem ka urdu mein tarjumah 'Kanjul Iman' aur fatwon ka majmua 'Fatawa Rizwiya' jo 30 jildon par mushtamil hai jisse puri duniya ke musalman aj bhi faiz hasil karrahe hain.Apka wisal 25 safar 1340 H Jumah ke roz Shahar Breli mein hua(Innal laha wa inna ilaihe rajeoon).


Sawal:Inhen Ala Hazrat kiyun kaha jata hai?
Jawab: Apne daur ke ulemaon mein yeh sabse mumtaz they.Inke humasar ulema karam mein aisa koi na tha jo inki Ilmi kamalat ke qareeb bhi pahunchta.Isi liye inki hayat mein hi log inhe Ala Hazrat ke laqab se pukarne lage the.


Sawal:Rasool Allah SallAllahu alaihe wasallam ko sirf Hazrat aur inhe Ala Hazrat kiyun kaha jata hai?
Jawab: Jaisa ke upar bataya gaya ke woh apne daur ke ulema me mumtaz the is liye unhe Ala Hazrat kaha gaya.Inse Rasool Allah SallAllahu alaihe ka muazna karna sarasar jahalat aur baddiyanti hai.Rasool Paak SallAllahu Alaihe wasallam to dur unke ek adna se sahabi ke paon ke dhool se bhi inka muazna nahi kiya ja sakta.jahan tak baat hai laqab ki to mukhalifeen jawab den ke sabse bada Siddiq kon hai Rasool Paak SallAllahu Alaihe wasallam ya Abu Bakar RadiAllahu anho?Fir ap Siddiq kise kahte ho?Sabse bada farooq kon,Hazrat Umar RadiAllahu anho ya Rasool Paak SallAllahu Alaihe wasallam?Ap farooq kise kahte ho?Sabse bada ghani kon,Rasool Paak SallAllahu Alaihe wasallam ya Hazrat Uthman Ghani Radi Allahu anho?Isi tarah ap Rasool Paak SallAllahu Alaihe wasallam ko Imam Azam nahi kahte magar Abu Haneefa Rahmatullah Alaihe ko kahte ho aisa kiyun?Deobandiyon ne khud apne peer Haji Imdadullah mahajir makki ko Ala hazrat likha.Khalil Ahmed Ambethwi ko Ashiq Ilahi balandshahri ne Ala Hazrat likha.Malum hua ke hasideen sirf hasad ki bina par aitraz karte hain haqiqatan lafz ALA HAZRAT pe aitraz ki koi jagah nahi banti.


Sawal:Inhe Mujaddid kiyun kahte hain?
Jawab:Kiyunki yeh mujaddid they.Har sadi ke akhir me ek mujaddid paida hota hai to deen o sunniyat ko zinda karta karta hai.Ala Hazrat Imam Ahmed Raza fazile brelwi 14wi sadi ke mujaddid the jise sabne mana hai.Badmazhabon ke zariya jab Islam par aur khas kar azamte Musatafa SallAllahu alaihe wasallam par hamle hone lage.Musalmanon ke jayez amal ko shirk o biddat kaha jane laga.Ya Rasool pukarne ko shirk to Meelad ko bida'at o haram likha jane laga.Rasool Paak SallAllahu Alaihe wasallam ke ilm ghaib ko paglon,janwaron jaisa likha jane laga(Maaz Allah).Rasool Paak SallAllahu Alaihe Wasallam mar kar mitti mein mil gaye(Maaz Allah)aisa aqeedah Islam me laya gaya.Ala Hazrat Alaihe Rahma ne in Badmazhabon aur Gustakhe Rasool SallAllahu Alaihe wasallam ke khilaf qalmi jihad kiya aur Qura'an o hadees ke zariya in batil aqeedon ka radd karke sahaba karam alaihim ridwan wala aqeedah musalmanon ke samne pesh kiya.Logon ke dilon me Ishq e Nabi SallAllahu Alaihe wasallam ka diya jalaya.Aur is tarah inhone Deen ko zinda kiya jiski bina par inhe Mujaddid tasleem kiya gaya.


Sawal:Khud ko Brelwi aur Maslak e Ala Hazrat ka manne wala kiyun kahte hain?Kiya inhone koi naya maslak paida kiya tha?Hum maslake Ahle Sunnat ya Maslak e Imam Abu haneefa kiyun nahi kahte?
Jawab: Maslak ke ma'ana hote hain rasta aur Maslak e Ala Hazrat ka ma'ani hua Ala Hazrat ka rasta.Ya'ani Allah Subhanahu Ta'ala aur Rasool Kareem SallAllahu Alaihe wasallam tak pahunchne ka woh rasta jo Ala Hazrat ne hamen dikhaya jispar Sahaba karam,Tabayeen,Taba Tabayeen,Aima karam aur Awliya karam chale.Yeh wahi rasta hai jispar chalne ka hukm Allah Ta'ala ne diya jise hum aur ap rozana namazon mein surah fatiha mein padhte hain.Jo Ala Hazrat ke bataye huye raste par chalta hai use urf aam mein Brelwi kaha jata hai.Na hi yeh koi naya firqa hai aur na hi koi naya rasta ya maslak.
Ab sawal yeh ke hum Maslak e Ahle Sunnat ya Maslak e Imam Abu Haneefa kiyun nahi kahte?Woh is liye ke aj badmazhab aur batil firqe bhi khud ko Ahle sunnat wal jama'at aur Imam Abu Haneefa ko manne wala kahte hain.To ap kaise samjhenge ke yeh meelad manane wala hai ya meelad ko biddat o haram kahne wala?Ap kaise janenge ke yeh Ya Rasool SallAllahu Alaihe wasallam ka na'ara lagane wala hai ya use shirk kahne wala?Is liye in badmazhabon se khud ko imtiyaz karne ke liye Brelwi ya Maslake Ala Hazrat kaha jata hai.
Maslak e Ala Hazrat hi haqeeqat mein Maslak e Ahle Sunnat Wal Jama'at hai jo barre sagheer mein Sahiul Aqeedah Sunni hone ki pehchan ban gai hai.Chahe hum kisi bhi silsile wale hon Rizwi hon,Chishti hon,Ashrafi hon,Barkati hon,Attari hon aqeedah ke taur par hum Maslak e Ala Hazrat ya Brelwi hi samjhe jate hain.


Dal Di Qalb Mein Azmate Mustafa
Sayyadi Ala Hazrat Pe Lakhon Salam.


Khaksaar:Shahid Akhtar


Note:Agar ismein koi sharai ghalti dekhen to meri islah karen.


Comments

Post a Comment

Popular posts from this blog

Hazrat Ameer Muawiya RadiAllahoAnh ki shan mein Huzur Ghaus e Paak RadiAllahoAnh ka faisla:

Sare Ahle Sunnat is par muttafiq hain ke Sahaba karam ki jungon mein bahas se baaz raha jaye aur unhe bura kahne se parhez kiya jaye. Unke fazail aur unki khubiyan zahir ki jayen aur un buzurgon ka mamla Rabb ke supurd kiya jaye jaise woh ikhtalafat Jo Hazrat Ali aur Hazrat Aisha,Muawiya,Talha,Zubair RadiAllahoAnhum mein waqya huye jiska bayan hum pahle kar chuke hain Aur har azmat wale ko uski azmat ka haq diya jaye kiyunke Rabb Ta'ala mominon ki shan mein irshad farmata hai ke jo musalman un sahaba ke ba'ad aye woh yun kahte hain ke aye Rabb hamen bakhsh de. (Ghaniyatul Talibeen,page 178) Huzur Ghause paak RadiAllahoAnh ko manne wala inke irshadat ko sun kar kabhi bhi kisi bhi sahaba karam ki shan mein jisme Hazrat Ameer muawiya RadiAllaho Anh bhi shamil hain,kabhi bhi zaban ta'an daraz karke apna iman barbad nahi karega. Jab Hazrat Ameer Muawiya Radi Allaho anh ki shan bayan ki jati hai to kuch logon ko isse bahot takleef hoti hai.Aise logon ko chahiye ke up...
Read more

Was Prophet Muhammad SalAllho Alaihe Wasallam really a pedophile?

 Was Prophet Muhammad SalAllho Alaihe Wasallam really a pedophile? There is no denying the fact that Prophet Muhammad salallho alaihe wasallam is the most cultured and well-behaved mortal who ever walked on the face of this earth. His words, knowledge and personality are incomparable to anyone. His kindness, love and affection guided humanity from the darkest valleys of ignorance and into the light of satisfaction and truthfulness. Although he was not educated from any school or any scholarly institution, still he was popular for his honesty and kindness that earned him the titles “Sadiq” and “Ameen”. But critics portrait some Islamic principles and actions of the Prophet Muhammad (Sal Allahu Alaihe Wasallam) in such a way that one may think that he was the biggest antisocial element who ever breathed in the soils of Arabia. These critics left no stone unturned to portrait Prophet Muhammad    (Sal Allahu Alaihe Wasallam)    as terrorist, criminal or worst of...
Read more

There is no compulsion in religion(Islam)

One of the fundamental truths established by the sacred texts is that no one can be compelled to accept Islam. It is the duty of Muslims to establish the proof of Islam to the people so that truth can be made clear from falsehood. After that, whoever wishes to accept Islam may do so and whoever wishes to continue upon unbelief may do so. No one should be threatened or harmed in any way if he does not wish to accept Islam. Among the many decisive pieces of evidence in this regard are the following.  God says: “Let there be no compulsion in religion. Truth has been made clear from error. Whoever rejects false worship and believes in God has grasped the most trustworthy handhold that never breaks. And God hearsand knows all things.” (Quran 2:256) God says: “If it had been your Lord’s will, all of the people on Earth would have believed. Would you then compel the people so to have them believe?” (Quran 10:99) God says: “So if they dispute with you, say ‘I have submitted my whole self ...
Read more