JAYEZ AMAL KE LIYE DALEEL SHARA'AI KI ZARURAT NAHI

JAYEZ AMAL KE LIYE DALEEL SHARA'AI KI
ZARURAT NAHI:
Islam ek asaan mazhab hai jispar asani se chala ja sakta hai.Shariat mein har khas o aam,bache,budhe aur bimaron ka khyal rakha gaya hai ke unke liye Islam par chalna asaan ho jaye.Is mamle mein Sahaba karam,Tabayeen,Taba Tabayeen,Salfus-Saleheen,Mufassireen,muhaddiseen o fuqha karam hamari rahnumai karte nazar ate hain magar 100-200 salon se aise log paida ho gaye hain jinhone musalmanon ka jeena dushwar kar diya hai aur musalmanon ke jayez amal par Shirk,Bida'at aur haram ka fatwa sadir karte nazar ate hain.Aam musalman aur khas kar nawjawan tabqa kaafi parishan hai ke woh karen to kiya karen aur kiski baat manen.
Misal ke taur par kisi ne apne dost ko "Jumah Mubarak" kaha to foran muft ke mufti ne fatwa sadir kar diya ke yeh bida'at hai.Koi kisi Buzurg ke mazar par chala gaya to uspar shirk aur haram ka fatwa laga diya.
Is par muft ke mufti yeh kahte hain ke jo kaam Rasool Allah Sal Allahu Alaihe wasallam ya Sahaba Karam se sabit nahi woh sab bida'at hai haram hai.

Kiya waqai aisa hi hai?
Shariat ka is mamle mein kiya asool hai?

Aiye jante hain.

"Rasool Akram Sal Allahu Alaihe wasallam ne irshad farmaya ke halal woh hai jise Allah Ta'ala ne apni kitab mein halal qarar diya aur haram woh hai jise Allah Ta'ala ne apni kitab mein haram qarar diya aur jisse Allah Ta'ala ne khamoshi ikhtiyar farmai to use Allah Ta'ala ne ma'af kiya hai."
Ref:
1-Sunan Tirmzi,Abwabul Libas,Jild 1,Page 206,Hadees 1726.
2-Sunan Ibn Maja,Kitabul Ata'ama,Hadees 241.
3-Hakim Al Mustadrak,Jild 4,Hadees 7115.

Malum hua ke insani zindagi mein hazaron ashya aisi hain jinke halal o haram hone ke bare mein Qura'n o Sunnat khamosh hain to aisi chizen aur amal jayez hongi ispar daleel sharai ki zarurat nahi.

Shariat Islamia ke tamam fuqha o muhaddiseen ka yahi muttafaqha qayedah hai ke.
"Tamam chizon mein asal jawaz hai"
Ref:
1-Fatawa Shami,Jild 6,safa 459.
2-Fatahul Baari,Jild 9,Safa 656.

Lehaza Shariat Islamia ke is qayede ke mutabiq har woh amal jayez hai jab tak Qura'an o Sunnat uske najayez o haram hone ko na bayan karde.

Ek baat aur yaad rakhne ki hai ke muhaddiseen o fuqha karam ka yeh ittefaqi asool hai ke
"Rasool Akram Sal Allahu Alaihe Wasallam ka koi kaam karna uske jayez hone ki daleel hai jabke kisi kaam ka na karna uske haraam hone ki daleel nahi jab tak uski hurmat par koi daleel sharai na ho"
Ref:
(Fatahul Baari,Jild 20,Safa 155).

Lehaza ab agar aapne koi nek amal kiya aur dusre fard ne aitraz kiya ke Meelad manana,Anguthe chumna,Mazar par jana,Jumah Mubarak kahna wagairah Bida'at hai haram hai to parishan hone ki zarurat nahi.Apko in amoor ke jayez o halal hone par daleel dene ki zarurat nahi hai balki aap aitraz karne wale se foran kahen ke woh in amoor ke haram o najayez hone par koi wazeh daleel sharai pesh kare kiyunki muhadiseen o fuqha ke muttafaqha asool ke mutabik har chiz asal ke lehaz se jayez hai,woh haram o najayez nahi hogi jab tak Allah Ta'ala aur uska Rasool Sal Allahu Alaihe Wasallam use haram qarar na den.

Khaksar:Shahid Akhtar

Comments

Post a Comment

Popular posts from this blog

Hazrat Ameer Muawiya RadiAllahoAnh ki shan mein Huzur Ghaus e Paak RadiAllahoAnh ka faisla:

Sare Ahle Sunnat is par muttafiq hain ke Sahaba karam ki jungon mein bahas se baaz raha jaye aur unhe bura kahne se parhez kiya jaye. Unke fazail aur unki khubiyan zahir ki jayen aur un buzurgon ka mamla Rabb ke supurd kiya jaye jaise woh ikhtalafat Jo Hazrat Ali aur Hazrat Aisha,Muawiya,Talha,Zubair RadiAllahoAnhum mein waqya huye jiska bayan hum pahle kar chuke hain Aur har azmat wale ko uski azmat ka haq diya jaye kiyunke Rabb Ta'ala mominon ki shan mein irshad farmata hai ke jo musalman un sahaba ke ba'ad aye woh yun kahte hain ke aye Rabb hamen bakhsh de. (Ghaniyatul Talibeen,page 178) Huzur Ghause paak RadiAllahoAnh ko manne wala inke irshadat ko sun kar kabhi bhi kisi bhi sahaba karam ki shan mein jisme Hazrat Ameer muawiya RadiAllaho Anh bhi shamil hain,kabhi bhi zaban ta'an daraz karke apna iman barbad nahi karega. Jab Hazrat Ameer Muawiya Radi Allaho anh ki shan bayan ki jati hai to kuch logon ko isse bahot takleef hoti hai.Aise logon ko chahiye ke up...
Read more

Was Prophet Muhammad SalAllho Alaihe Wasallam really a pedophile?

 Was Prophet Muhammad SalAllho Alaihe Wasallam really a pedophile? There is no denying the fact that Prophet Muhammad salallho alaihe wasallam is the most cultured and well-behaved mortal who ever walked on the face of this earth. His words, knowledge and personality are incomparable to anyone. His kindness, love and affection guided humanity from the darkest valleys of ignorance and into the light of satisfaction and truthfulness. Although he was not educated from any school or any scholarly institution, still he was popular for his honesty and kindness that earned him the titles “Sadiq” and “Ameen”. But critics portrait some Islamic principles and actions of the Prophet Muhammad (Sal Allahu Alaihe Wasallam) in such a way that one may think that he was the biggest antisocial element who ever breathed in the soils of Arabia. These critics left no stone unturned to portrait Prophet Muhammad    (Sal Allahu Alaihe Wasallam)    as terrorist, criminal or worst of...
Read more

There is no compulsion in religion(Islam)

One of the fundamental truths established by the sacred texts is that no one can be compelled to accept Islam. It is the duty of Muslims to establish the proof of Islam to the people so that truth can be made clear from falsehood. After that, whoever wishes to accept Islam may do so and whoever wishes to continue upon unbelief may do so. No one should be threatened or harmed in any way if he does not wish to accept Islam. Among the many decisive pieces of evidence in this regard are the following.  God says: “Let there be no compulsion in religion. Truth has been made clear from error. Whoever rejects false worship and believes in God has grasped the most trustworthy handhold that never breaks. And God hearsand knows all things.” (Quran 2:256) God says: “If it had been your Lord’s will, all of the people on Earth would have believed. Would you then compel the people so to have them believe?” (Quran 10:99) God says: “So if they dispute with you, say ‘I have submitted my whole self ...
Read more