GUSTAKH KI IBADAT AUR AHLE IMAN KI MUHABBAT


Is mazmun me hum do mauzu par baat karenge jaisa ke unwan se hi zahir hai yani 'Gustakh ki ibadat aur Ahle Iman ki Muhabbat'

1-"Gustakh ki Ibadat"
Sabse pahle is ke muttalik hadees paak mulaheza karen.


HUZUR (Sallallahu Alaihi wa Sallam) ke pas ek Gustakh aya jiski Daarhi Ghani, sir munda (takla), Tehband TAKHNO SE (kuch zyada hi) UNCHA or ANKHON K DARMIYAN SAJDE Ka NISHAN tha, AAP (Sallallahu Alaihi wa Sallam) ne farmaya ke, "Sarzameen-e-Najd se Iski Nasal se ek Qaum niklegi us Qaum ki ye halat hogi ke unke samne tum apni Namazon Or Rozon ko unki Namazon or Rozon k Aage Haqeer Janoge, Qura'an tumse achchha padhenge, Lekin! Qura'an unke Hallaq se niche nahi utrega, Deen se Aise Nikal Jayenge Jaise teer kamaan se nikal jata hai, yeh log nikalte hi rahenge yahan tak ki inka akhri giroh Dajjal K saath niklega.
{Bukhari Sharif ,J-2, P-624; 
Tirmizi Musnad,J-4, P-424}

Dusri hadees:
Abu Saeed Khudri (Radi Allahu Ta’ala Anhu) se manqool hai Farmate hain ki ham log HUZUR E ANWAR (Sallallahu Alaihi wa Sallam) ki khidmat me hazir the aur HUZUR (Sallallahu Alaihi wa Sallam) maal-e-ghanimat taqseem farma rahe the ki “ZULKHAWAISIRA” naam ka ek shakhs jo QABEELA BANU TAMIM ka rahne wala tha aya aur kaha ke aye Allah ke Rasool insaf se kam lo. Huzur (Sallallahu Alaihi wa Sallam) ne farmaya “afsos teri jasarat (himmat,jurrat)par Main hi insaf nhi karunga to aur kon insaf karne wala hai. Agar Main insaf nahi karta to tu Khaaib wa khaasir (tahas-nahas) ho chuka hota.” Hazrate UMAR (Radi Allahu Ta’ala Anhu) se jab nhi raha gaya to unhone arz kiya ki Huzoor mujhe ijazat dijiye main iski gardan mar dun. Huzoor (Sallallahu Alaihi wa Sallam) ne farmaya ise chhod do yeh akela nahi hai iske bahut se sathi hain jinki Namazon aur Rozon ko dekhkar tum apni Namazon aur Rozon ko haqeer samjhoge, wah Qur’aan padenge lekin Qur’aan unke halaq se neeche nahi utrega. Yani in sari zahiri khubiyon ke bawjood wah deen se aise nikal jayenge jaise teer kaman se nikal jata hai.{Sahi Bhukhari Shareef}

Upar ki ahadees padhne ke baad yeh ma'alum hua ke bazahir koi kitna hi bada namazi kiyu na ho,kitna hi bada rozedar aur qura'an ki tilawat karne wala kiyu na ho,Agar woh gustakh e Nabi Sal Allahu Alaihe Wasallam hai to uski koi ibadat qabool nahi balki woh iman se hi kharij ho jata hai.
Huzur Paak Sal Allahu Alaihe Wasallam ne Teer aur kaman ki misal di ke jitni tezi se teer kaman se nikal jata hai utni hi tezi se Nabi Paak Sal Allahu Alaihe Wasallam ki shan me gustakhi karne wala iman se nikal jata hai.

Musalmanon!!
Ghaur karo aur apna jayeza lo.Aap bahot ibadat guzar aur namazi hain achi baat hai magar kahin aisa to nahi ke ap Nabi Paak Sal Allahu Alaihe Wasallam ki shan me gustakhi karte hain?Unhe Ikhtiyar wala nahi mante?Unke Ilm e ghaib ka inkar karte hain?Unhe apne jaisa samajhte hain?Unhe murda samajhte hain?
Agar aisa kuch hai to aj hi Allah Ta'ala ke samne Huzur Paak Sal Allahu alaihe wasallam ko waseela banakar Taubah karen Insha Allah Ta'ala Allah ma'af karega.

2-Ahle Iman Ki Muhabbat:
Is mauzu par baat karne se pahle hum yeh hadees shareef padhte hain:

Hazrat Anas Radi Allahu anh Farmate Hain Ke Ek Din ek Sahabi-e-Rasol Aqa صلل الله عليه وسل Ki Bargah- e-Aqdas Me Haazir Huye Aur Pucha Ya Rasool Allah صلل الله عليه وسل Qayamat Kab Aayegi ?Huzoor صلل الله عليه وسل Ne Farmaya, Aye Mere Sahaba Yeh Batao Tum To Mujhse Qayamat Ke Bare Me Puch Rahe Ho, Lekin Ye Batao Tumne Qayamat Ki Kya Taiyariyan Ki Hain??
Sahabi-e-Rasool صلل الله عليه وسل Farmate Hain Ya Rasool Allah صلل الله عليه وسل Jab Qayamat Ke Din Rab-E-Karim Mujhse Puchega To Mai Apni Namazein Pesh Nahi Karunga,Apne Roze Pesh Nahi Karunga,Apna Hajj Pesh Nahi Karunga,Apni Ibadatein Pesh Nahi Karunga.
Ya Rasool Allah صلل الله عليه وسلم Agar "Pesh Karunga To Sirf Aap صلل الله عليه وسلم Ki Mohabbat Pesh Karunga". 
Ye Sunkar ALLAH Ke Rasool صلل الله عليه وسل Muskurane Lage Aur Farmaya K Jao Kehdo Logo Se Kal Qayamat Me Wo usi Ke Saath Hoga Jis Se Duniya Me Usne Sabse Ziyada Mohabbat Ki Hogi..

Refrences:
1- Musnad Ahmed Bin Hanbal( 164 - 241 H) Jild 03, Pg. 104, 168, 178, Hadees no. 12032, 12738, 12846
2- Imam Bukhari(194 - 256 H) Sahih Bukhari : Kitaab ul Manaqib, Jild 03, Pg. 1449, Hadees no. 3485 
3- Imam Bukhari(194 - 256 H) Sahih Bukhari : Kitaab ul Adab, Jild 05, Pg. 2285, Hadees no. 5815
4-Imam Muslim(204 - 261 H) - Sahih Muslim : Kitaab al bar wal salaah wal aadaab, Jild 04, Pg. 2032, Hadees no. 2639
5- Imam Abu Dawud (202 - 275 H)Sunan Abu Dawud : Kitaab ul Adab, Jild 04, Pg. 333, Hadees no. 5127 
6-Imam Tirmizi ( 209 - 279 H )-Sunan Tirmizi : Kitaab ul Zuhd, Jild 04, Pg. 595, Hadees no. 2385 

UNHE JAANA UNHEIN MANA NA RAKHA GHAIR SE KAAM.....LILLAHIL HAMD MAIN DUNIYA SE MUSALMAAN GAYA.

Subhan Allah!!

Upar ki hadees padhne ke ba'ad yeh malum hua ke hum ibadat bhi karen aur sath hi Huzur Paak Sal Allahu Alaihe Wasallam se be intiha muhabbat karen,Unhe ba ikhtiyar manen,Ye manen ke Allah ne unhe ghaib ka ilm ata kiya hai,unhe zinda manen,unka meelad manayen,muhabbat se unhe pukaren,Ya Rasool Allah ka na'ara lagayen to Insha Allah Ta'ala is muhabbat ki bina par kal qayamat ke din hum apne Aqa o Maula Huzur Paak Sal Allahu Alaihe wasallam ke sath honge.

Khaksar:Shahid Akhtar

Comments

Post a Comment

Popular posts from this blog

Hazrat Ameer Muawiya RadiAllahoAnh ki shan mein Huzur Ghaus e Paak RadiAllahoAnh ka faisla:

Sare Ahle Sunnat is par muttafiq hain ke Sahaba karam ki jungon mein bahas se baaz raha jaye aur unhe bura kahne se parhez kiya jaye. Unke fazail aur unki khubiyan zahir ki jayen aur un buzurgon ka mamla Rabb ke supurd kiya jaye jaise woh ikhtalafat Jo Hazrat Ali aur Hazrat Aisha,Muawiya,Talha,Zubair RadiAllahoAnhum mein waqya huye jiska bayan hum pahle kar chuke hain Aur har azmat wale ko uski azmat ka haq diya jaye kiyunke Rabb Ta'ala mominon ki shan mein irshad farmata hai ke jo musalman un sahaba ke ba'ad aye woh yun kahte hain ke aye Rabb hamen bakhsh de. (Ghaniyatul Talibeen,page 178) Huzur Ghause paak RadiAllahoAnh ko manne wala inke irshadat ko sun kar kabhi bhi kisi bhi sahaba karam ki shan mein jisme Hazrat Ameer muawiya RadiAllaho Anh bhi shamil hain,kabhi bhi zaban ta'an daraz karke apna iman barbad nahi karega. Jab Hazrat Ameer Muawiya Radi Allaho anh ki shan bayan ki jati hai to kuch logon ko isse bahot takleef hoti hai.Aise logon ko chahiye ke up...
Read more

Was Prophet Muhammad SalAllho Alaihe Wasallam really a pedophile?

 Was Prophet Muhammad SalAllho Alaihe Wasallam really a pedophile? There is no denying the fact that Prophet Muhammad salallho alaihe wasallam is the most cultured and well-behaved mortal who ever walked on the face of this earth. His words, knowledge and personality are incomparable to anyone. His kindness, love and affection guided humanity from the darkest valleys of ignorance and into the light of satisfaction and truthfulness. Although he was not educated from any school or any scholarly institution, still he was popular for his honesty and kindness that earned him the titles “Sadiq” and “Ameen”. But critics portrait some Islamic principles and actions of the Prophet Muhammad (Sal Allahu Alaihe Wasallam) in such a way that one may think that he was the biggest antisocial element who ever breathed in the soils of Arabia. These critics left no stone unturned to portrait Prophet Muhammad    (Sal Allahu Alaihe Wasallam)    as terrorist, criminal or worst of...
Read more

There is no compulsion in religion(Islam)

One of the fundamental truths established by the sacred texts is that no one can be compelled to accept Islam. It is the duty of Muslims to establish the proof of Islam to the people so that truth can be made clear from falsehood. After that, whoever wishes to accept Islam may do so and whoever wishes to continue upon unbelief may do so. No one should be threatened or harmed in any way if he does not wish to accept Islam. Among the many decisive pieces of evidence in this regard are the following.  God says: “Let there be no compulsion in religion. Truth has been made clear from error. Whoever rejects false worship and believes in God has grasped the most trustworthy handhold that never breaks. And God hearsand knows all things.” (Quran 2:256) God says: “If it had been your Lord’s will, all of the people on Earth would have believed. Would you then compel the people so to have them believe?” (Quran 10:99) God says: “So if they dispute with you, say ‘I have submitted my whole self ...
Read more