Ta'aziyadaari Ulmaye Ahle Suunat ki Nigah Mein


Muharram ka chand nazar ate hi musalmanon ka ek tabqa khurafat kamon me jut jata hai jaise taaziya banana ya fir dhol taashe lekar muhallon me gasht karna.Ye log khud ko Sunni kahte hain aur inka ye dawa bhi hota hai ke ye Imam Hussain ( رضئ الله عنه ) se muhabbat karne wale hain.Par afsos sada afsos ke Imam Aali maqam رضئ الله عنه ) ) ne Deen e Muhammadi صلی اللہ علیہ وآلہٖ وسلم ki baqa ke liye Apna sab kuch Allah ki raah me qurban kar diya aur hum ne unki is Azeem Qurbani ko aj khel tamasha aur khurafat se yad karte hain.


Kuch logon ko galat fahmi hai ke ulmaye Ahle Sunnat iski ijazat dete hain is liye zarurat mahsus hui ke unki rai is mamle me logon tak pahunchai jaye.


TAAZIYADARI:
*Hazrat Shah Abdul Aziz Muhadith Dehalwi Alaihe Rahma farmate hain ke"Yani Ashra Muharram me jo taaziyadari hoti hai gunbad numa taaziya aur tasweeren banai jati hain ye NaJayaz hai.
(Fatawa Azizya Vol 2 Page 75)


*Ala Hazrat Fazil Brelwi Alaihe Rahma farmate hain"Taaziyadari Qata'an Biddat,Najayaz wa Haram hai"
(Fatawa Rizwiya vol 24 P 513)
Ala Hazrat ne apni kitabon me darzano maqamat par iski mazammat ki hai aur is mauzu pe ek kitab bhi likhi hai"Alilifdah fi taaziyatil hind wa bayane shohda"


*Muftiye Azam Hind Mustafa Raza khan R.A farmate hain ke"Taaziyadari Shara'an najayaz hai"
(Fatawa Mustafwiya p 534)


*Maulana Hashmat Ali Khan Brelwi farmate hain"Taziya banana,inhe dhum dham se uthana,unki ziyarat karna,unka adab wa taazeem karna,unhe chumna,unke age jhukna,ankhon se lagana,bachon ko hare kapde pahnana ,ghar ghar bhik mangwana,karbala jana wagairah shara'an najayaz wa gunah hai"
(Shame Hidayat vol 3 p 30)


IMAMBARA:
Jahan taaziya ko rakhte hain us imarat ya maqam ko imambara kahte hain.Imambara banana aur inki taazeem karna ye sab raafzi aur shiya firqe ki den hai.
Iski Imarat ya zameen ko besahara,bewah,yateem ko de di jaye ya masjid ya madarse bana diye jayen is se imambare ke waris ko duniya wa akhirat me sawab e azeem milega.

Ala Hazrat Alaihe rahma farmate hain"Imambara waqt nahi ho sakta jisne ise banaya usi ki milkiyat hai aur jo chahe kare woh na raha to uske warison ki milk hai unhe ikhtiyar hai"
(Farawa Rizwiya vol 16 P 121)


FARZI(NAQLI)KARBALA:
Karbala Iraq me hai jahan Hussain ( رضئ الله عنه ) apne sathiyon k e sath shaheed kiye gaye.Ab jahan taaziya jama ya dafan kiya jata hai us jagah ko log karbala kahne lage.
Islam me In farzi karbalaon ki koi haisyat nahi aur inhe muqaddas maqam khayal karke inka ehtram karna sab raafziyat,shieeat aur jahalat ki paidawar hai.

Alah Hazrat Alaihe Rahma farmate hain"Alam,Taziye,Mehndi,Inki mannat,Gasht,Chadhawa,Dhol taashe,mujre,Marsiye,Matam,masnawi karbala jana ye sab baten Haram wa najayaz wa gunah hai"
(Fatawa Rizwiya Vol 24 P 496)


TAAZiYE Par MANNAT:
Ala Hazrat Alaihe Rahma farmate hain ke
"Kisi Ne Agar Taaziye Pr Mannat Maani To Ye Nazar Baatil O Najaiz Hai.
(Fatawa Rizwiya vol 24 p 501)


MATAM YA SOGG:
Ala Hazrat Alaihe Rahma farmate hain ke
"Muharram Me Siyah (Black) Kaprey Sogg Hen Aur Sogg Haraam Hai."
(Fatawa Rizwiya vol 23 p 756)


Pyare musalman bhaiyon,hosh me ao.Padha apne hamare ulema ka kitna sakht muwaqqaf hai in khurafaat k khilaf?
Hussain ( رضئ الله عنه ) se muhabbat dhol tasha bajakar kaise ho sakta hai?Unho ne gardan kata di par baatil yazeedi ke age na jhuke.Akhri waqt tak shariat ke paband rahe aur sajde me sar kataya.
Hum aj ahad karen ke sache hussaini banenge,Shariat par amal karenge aur aj ke yazeediyon se muqabla karenge Insha Allah.

Allah hum tamam musalmanon ko shariat ka paband banaye,Ahlul bait se muhabbat karne wala banaye aur sacha hussaini banaye-Ameen ya rabbal alameen

Comments

Post a Comment

Popular posts from this blog

Hazrat Ameer Muawiya RadiAllahoAnh ki shan mein Huzur Ghaus e Paak RadiAllahoAnh ka faisla:

Sare Ahle Sunnat is par muttafiq hain ke Sahaba karam ki jungon mein bahas se baaz raha jaye aur unhe bura kahne se parhez kiya jaye. Unke fazail aur unki khubiyan zahir ki jayen aur un buzurgon ka mamla Rabb ke supurd kiya jaye jaise woh ikhtalafat Jo Hazrat Ali aur Hazrat Aisha,Muawiya,Talha,Zubair RadiAllahoAnhum mein waqya huye jiska bayan hum pahle kar chuke hain Aur har azmat wale ko uski azmat ka haq diya jaye kiyunke Rabb Ta'ala mominon ki shan mein irshad farmata hai ke jo musalman un sahaba ke ba'ad aye woh yun kahte hain ke aye Rabb hamen bakhsh de. (Ghaniyatul Talibeen,page 178) Huzur Ghause paak RadiAllahoAnh ko manne wala inke irshadat ko sun kar kabhi bhi kisi bhi sahaba karam ki shan mein jisme Hazrat Ameer muawiya RadiAllaho Anh bhi shamil hain,kabhi bhi zaban ta'an daraz karke apna iman barbad nahi karega. Jab Hazrat Ameer Muawiya Radi Allaho anh ki shan bayan ki jati hai to kuch logon ko isse bahot takleef hoti hai.Aise logon ko chahiye ke up...
Read more

Was Prophet Muhammad SalAllho Alaihe Wasallam really a pedophile?

 Was Prophet Muhammad SalAllho Alaihe Wasallam really a pedophile? There is no denying the fact that Prophet Muhammad salallho alaihe wasallam is the most cultured and well-behaved mortal who ever walked on the face of this earth. His words, knowledge and personality are incomparable to anyone. His kindness, love and affection guided humanity from the darkest valleys of ignorance and into the light of satisfaction and truthfulness. Although he was not educated from any school or any scholarly institution, still he was popular for his honesty and kindness that earned him the titles “Sadiq” and “Ameen”. But critics portrait some Islamic principles and actions of the Prophet Muhammad (Sal Allahu Alaihe Wasallam) in such a way that one may think that he was the biggest antisocial element who ever breathed in the soils of Arabia. These critics left no stone unturned to portrait Prophet Muhammad    (Sal Allahu Alaihe Wasallam)    as terrorist, criminal or worst of...
Read more

There is no compulsion in religion(Islam)

One of the fundamental truths established by the sacred texts is that no one can be compelled to accept Islam. It is the duty of Muslims to establish the proof of Islam to the people so that truth can be made clear from falsehood. After that, whoever wishes to accept Islam may do so and whoever wishes to continue upon unbelief may do so. No one should be threatened or harmed in any way if he does not wish to accept Islam. Among the many decisive pieces of evidence in this regard are the following.  God says: “Let there be no compulsion in religion. Truth has been made clear from error. Whoever rejects false worship and believes in God has grasped the most trustworthy handhold that never breaks. And God hearsand knows all things.” (Quran 2:256) God says: “If it had been your Lord’s will, all of the people on Earth would have believed. Would you then compel the people so to have them believe?” (Quran 10:99) God says: “So if they dispute with you, say ‘I have submitted my whole self ...
Read more