Kiya Gair Allah Se Madad Mangna Shirk Hai?


Hamare bich aj ek aise naye biddati jamaat Wahabiya/Salafiya ne janam liya hai jo musalmanon ke jayaz amal ko Shirk o Biddat kahta hai.
Usi fatwa factory se ek fatwa ye hai ke Ghair Allah se madad mangna shirk hai.

Age badhne se pahle Inki jahalat ko ek lateefe ki shakal me samajhte hain.

Ek wahabi gutter me gir gaya aur madad ke liye chillane laga.Pas khade apne bete se kaha "Are Nalayaq,Andha aur Bahra ho gaya kiya?Dekhta nahi mai mar raha hun aur kab se madad mang raha hun?
Bete ne jawab diya:Na Abba,Sari zindagi ap tauheed parast rahe aur ye taleem di ke Ghir Allah se madad mangna Shirk hai,Ab jabki ap mar rahe hain to apki madad karke kaise apko Mushrik bana dun?
Aur woh wahabi apne maqam ko pahunch gaya.

Wahabiya/Salafiya ke liye soch ka maqam hai ke agar ghair Allah se madad mangna ya hajat leke jana shirk hai tab to koi musalman musalman na raha.Kiyonki koi doctor ke pas jata hai bimari me usse madad mangne,koi wakeel ke pas apni parishani ki hajat lekar koi kahin.
Ap kahoge,Shahid miyan hum doctor ya wakeel ke pas use Allah samajh ke thode na jate hain?
To mai kahunga ke hum bhi Anbiya ya Awliya ke dar par use Allah samajh kar nahi jate fir doctor ke pas jana jayaz aur wali Allah ke pas jana shirk kaise ho gaya?

Agar koi ye aqeedah rakhe ke Doctor bina Allah ki ata se kisi ko thik kar sakta hai to ye shirk,Usi tarah koi ye aqeedah rakhe ke Wali Allah bhi bina Allah ki marzi khud se kisi ki madad kar sakte hain to ye bhi shirk.
Lekin dono maqam pe aisa nahi hai.Musalmano ka Aqeedah bilkul wajah hai ke ye sab waseelah hain Hqeeqi ata karne wala Allah Subhanahu Tala hai.

Quran se subut:

"Beshak Allah unka madadgar hai aur jibraeel aur nek Iman wale aur iske bad farishte madad karte hain"(Tahreem ayat 4)

"Tumhare madadgar nahi magar Allah aur uska Rasool aur iman wale"(Maida ayat 55)

"Sabr Aur namaz se madad chaho"(Al-Baqrah 45)

Aur namaz kaise hamari madad karti hai uski ek misal khud Quran se

"Beshak Namaz Behayai Aur Buri Baton Se Rokti Hai" (Surah Al-Anqaboot 45)
Namaz behayai aur buri baton se rok kar hamari madad karraha hai.

Agar gairullah ki madad shirk hai to kiya Allah Quran me Shirk ki taleem de raha hai(Maaz Allah)
Yad rahe Haqeeqi madadgar sirf Allah hai baaki sab zarya aur waseela.

Ibn Umar ( رضئ الله عنه ) ke paon me sunn(numbness)pad gaya to kisi ne kaha ke use pukaro jise tum sabse ziyadah muhabbat karte ho to inho ne kaha "YA MUHAMMAD"
[Imam Bukhari, Kitab ul Adab ul Mufrad, Page No. 404, Hadith # 964]

Zara socho doston kiya Ibn Umar ( رضئ الله عنه ) ne shirk kiya?Maaz Allah.Hargiz nahi aur jo aisa guman bhi kare woh khud kaafir ho jayega.

To YA MUHAMMAD,YA RASOOL ALLAH صلی اللہ علیہ وآلہٖ وسلم
pukarna Sahaba ki sunnat hai.

Aitrazat aur unka Jawab:

Kuch gumrah log musalmano ke khilaf ye ayaten pesh karte hain.

"Aur jinhe iske siwa pujte ho woh tumhari madad nahi kar sakte aur na khud apni madad kare"(Al-Araf 197)
Ye ayat mushrikeen ke bare me hai ke ye Allah ke sath dusron ko shareek karte hain unhe pujte hain.But to apni madad khud nahi kar sakte to dusron ki kiya krenge.
Iske alawah bhi kai ayaten jo but paraston aur kuffar wa Mushrikeen ke liye nazil hui.use musalmaon par thopte hain.Jaise 10:106-107,29:17,46:5,26:62 wagairah.

Ye tamam ayaten mushrikeen ke liye nazil hui na ki musalman ke liye?

Jo ayaten Mushrikeen aur but paraston ke liye nazil hui use musalmano par nahi thopa ja sakta.Aisa karne wale kharji aur badtareen log hain.

Imam Bukhari Abdullah Ibn Umar ( رضئ الله عنه ) se rawayat karte hain ke Ibn Umar ( رضئ الله عنه ) kharjiyon ko badtareen makhluk samajhte the ke inho ne un ayaton ko jo mushrikeen ke liye nazil hui,use musalmanon par thopa.
[Sahih Bukhari, Chapter of Killing the Khawarjites and Mulhideen, Volume No. 6, Page No. 2539]
-muslim:kitab zakat vol 2 page 750 hadees no 1067
-Abu daud vol 4 page 243 hadees 4765
-Nisai vol 7 page 119-120 hadees 4103

Aj bhi ye kharji Wahabiya/Salafiya ki shakal me hamare bich maujud hain jo in ayaton ko musalmanon par thopte hain aur inhe mushrik kahte hain.

Allah hum tamam tamam musalmanon ko Wahabi fitnah se bachaye-Ameen

Comments

Post a Comment

Popular posts from this blog

Hazrat Ameer Muawiya RadiAllahoAnh ki shan mein Huzur Ghaus e Paak RadiAllahoAnh ka faisla:

Sare Ahle Sunnat is par muttafiq hain ke Sahaba karam ki jungon mein bahas se baaz raha jaye aur unhe bura kahne se parhez kiya jaye. Unke fazail aur unki khubiyan zahir ki jayen aur un buzurgon ka mamla Rabb ke supurd kiya jaye jaise woh ikhtalafat Jo Hazrat Ali aur Hazrat Aisha,Muawiya,Talha,Zubair RadiAllahoAnhum mein waqya huye jiska bayan hum pahle kar chuke hain Aur har azmat wale ko uski azmat ka haq diya jaye kiyunke Rabb Ta'ala mominon ki shan mein irshad farmata hai ke jo musalman un sahaba ke ba'ad aye woh yun kahte hain ke aye Rabb hamen bakhsh de. (Ghaniyatul Talibeen,page 178) Huzur Ghause paak RadiAllahoAnh ko manne wala inke irshadat ko sun kar kabhi bhi kisi bhi sahaba karam ki shan mein jisme Hazrat Ameer muawiya RadiAllaho Anh bhi shamil hain,kabhi bhi zaban ta'an daraz karke apna iman barbad nahi karega. Jab Hazrat Ameer Muawiya Radi Allaho anh ki shan bayan ki jati hai to kuch logon ko isse bahot takleef hoti hai.Aise logon ko chahiye ke up...
Read more

Was Prophet Muhammad SalAllho Alaihe Wasallam really a pedophile?

 Was Prophet Muhammad SalAllho Alaihe Wasallam really a pedophile? There is no denying the fact that Prophet Muhammad salallho alaihe wasallam is the most cultured and well-behaved mortal who ever walked on the face of this earth. His words, knowledge and personality are incomparable to anyone. His kindness, love and affection guided humanity from the darkest valleys of ignorance and into the light of satisfaction and truthfulness. Although he was not educated from any school or any scholarly institution, still he was popular for his honesty and kindness that earned him the titles “Sadiq” and “Ameen”. But critics portrait some Islamic principles and actions of the Prophet Muhammad (Sal Allahu Alaihe Wasallam) in such a way that one may think that he was the biggest antisocial element who ever breathed in the soils of Arabia. These critics left no stone unturned to portrait Prophet Muhammad    (Sal Allahu Alaihe Wasallam)    as terrorist, criminal or worst of...
Read more

There is no compulsion in religion(Islam)

One of the fundamental truths established by the sacred texts is that no one can be compelled to accept Islam. It is the duty of Muslims to establish the proof of Islam to the people so that truth can be made clear from falsehood. After that, whoever wishes to accept Islam may do so and whoever wishes to continue upon unbelief may do so. No one should be threatened or harmed in any way if he does not wish to accept Islam. Among the many decisive pieces of evidence in this regard are the following.  God says: “Let there be no compulsion in religion. Truth has been made clear from error. Whoever rejects false worship and believes in God has grasped the most trustworthy handhold that never breaks. And God hearsand knows all things.” (Quran 2:256) God says: “If it had been your Lord’s will, all of the people on Earth would have believed. Would you then compel the people so to have them believe?” (Quran 10:99) God says: “So if they dispute with you, say ‘I have submitted my whole self ...
Read more