Imam Ahmed Raza Khan Brelwi Rahmatullah alaihe ko Aala Hazrat kahne par aitraz ka jawab
Aksar dekha jata hai ke kuch na samajh log khas kar Deobandi maktaba fikr se talluq rakhne wale yeh aitraz karte hain ke aplogon ne Imam Ahmed Raza ko sabse Aala wa uncha kar diya ke sabko Hazrat ke laqab se khitab karte hain aur inhe "Aala Hazrat" ke laqab se. Sabse pahle yeh baat samajhne ki hai ke Jab Hum Aazam,Akbar ya Aala ka lafz Allah Ta'ala ke liye istemal karte hain to uska matlab yeh hota hai ke Allah tamam maujudat o kaynat se ziyadah barai o azmat wala hai. Jab yahi alfaaz Nabi paak Sall Allahu Alaihe wasallam ke liye bola jaye to iska matlab hota hai ke Makhlooqat me yeh sab se Aala o azmat wale hain. Jab yahi lafz Hazrat Abu Bakar Siddique Radi Allahu anho ke liye bola jaye to iska matlab hota hai ke Ummatiyon me yeh sabse afzal o Aala hain. Usi tarah jab Imam Ahmed Raza Alaihe rahma ke liye lafz "Aala Hazrat" ka istemal kiya jata hai to iska matlab hota hai ke yeh apne daur ke ulmaon mein Aala o azmat wale the. Yun to deobandiyon ne bhi apne p...